發表於 2009.11.07 | 觀看:191次 | 39篇回應

一年一度大閘蟹, 其實我個人不是熱愛大閘蟹, 不過無可否認佢係一個好好的聯誼活動, 一班FRIEND傾咁拆,係咁傾, 咁就成晚!

呢晚十幾人, 四十幾隻蟹, 好好味!

蟹是來自華記永昌號, 大家買蟹不妨考慮吓呢間, 有圖為証!

發表於 2009.11.03 | 觀看:171次 | 21篇回應

前幾個月, 睇飲食男女介紹津津背後的故事，講以前幾風光, 但係風光的代價就是家庭的幸福，而且店的食物水準衰落，好日子不再，講老闆娘用幾堅強嘅意志同汙水將日漸衰落的生意起死回生...

睇完之後都好想去食吓, 就喺哈佬喂呢日，同一班嘩鬼喺沙田馬場睇完WILD DAY OUT, 就自不然想到去火炭吃雞粥, 於是乎就去左十年冇見的津津!

大排檔最緊要一樣嘢除左平就係要夠鑊氣, 津津出名的是雞粥同乳鴿, 當然要叫, 此外仲有炒蜆, 山水豆腐, 京都骨, 豉油王炒麵, 辣酒花螺, 仲有泥鯭粥, 總之一枱都係!

果然, 全場最高分的乳鴿和粥, 乳鴿中型尺碼, 但肉辣皮脆, 炸得剛好, 不會有乾身的情況出現，粥, 係OK 的, 不過係粥底, 雞粥不太重雞味, 魚粥一樣, 好像粥底還粥底, 料還料!

其他小菜呢? 豉酒王炒麵, 太腍且不夠乾身同越華會冇得比, 炒豉, 吃第一啖有沙, 有二隻有沙, 第3隻都有! 蜆細不在話下, 而且打了一個大"獻" , 杰撻撻, 負分, 真係未食過咁難食的炒蜆! 京都骨, 炸豆腐都非常普通, 吃下去的感覺就是不夠鑊氣。


還有, 有位大漢服務員, 很大聲的...

發表於 2009.10.26 | 觀看:187次 | 36篇回應

終於有秋天感覺, 就趁住風和日麗嘅假期, 去朋友的家B一場BQ!

BBQ如果可以的話, 最好就係自己醃製食物, 因為一定冇味精先!
呢次屋主非常好客, 專程去咗禮頓道專賣凍肉的和興行搜購大量食物, 包括:西冷, 牛柳, 牛肋條, 脆皮腸, 羊扒, 雞翼, 豬扒, 雞扒...另外仲丸類, 蜆, 大眼雞, 甘菇, 栗米, 蕃薯, 甜品有蕉!

真係可以40個人食!

羊扒自己用香草醃, 非常好, 牛肋條唔駛點醃,非常好, 雞翼用雞粉, 非常好, 燒蜆可以中途加啤酒都好, 唔加仲鮮, 燒蕉大家試過未, 未就要試下, 用錫紙包住, 燒到佢溶溶地, 完全另一種口感, 正!

快啲約齊班FREIND燒嘢食啦!

發表於 2009.10.20 | 觀看:130次 | 13篇回應

近來繼米線大熱, 我發覺仲有另一類食物大熱, 佢就係烏冬!

係喎, 我發覺都開左好多間喎!河內道有, 圓方有, 尖東都有!

呢日行過, 未食晏, 餓到死, 見到有間福川烏冬, 下午茶時間門口仲有幾個人排隊, 我於是又排埋一份, 一於入去試下!

下午茶餐$28 仲包一杯飲品, 抵!

於是叫了一個雞扒烏冬, 之後望下四圍, 見有好多人都食[掛]烏冬!即係冷烏冬加醬汁,有胡麻汁, 醬油同地獄辣汁, 撈起嚟食! 哎呀, 早知叫呢個啦!不過唔緊要一試左個烏冬得唔得先, 得咪下次再食囉!

結果係及格, 雖然冇大戶屋咁好高水準, 但係都不失有咬口, 最得的是雞扒, 完全意料之外, 夠JUICY, 又唔好一陣雪味! $28, 想點!


川福烏冬
地址 : 尖沙咀加連威老道100號港晶中心地下65-66號舖
電話 : 2369 1311

發表於 2009.10.18 | 觀看:186次 | 20篇回應

尋晚係澳門小姐選舉, 為左應境, 我去咗澳門茶餐廳!

講你都唔信, 我係未試過去食晚飯, 之前有食LUNCH 都係因為喺公司附近有一間, 所以同同事去過!

以前見尖咀果間好多人排隊, 又話D豬扒飽幾咁好味, OK 今日有機會試試!

點了一個豬扒飽, 加一個蕃茄牛腩通粉! 先來豬扒飽..好細個WO, 切開左一半, 塊豬扒好薄, 同埋係雪嘅, 豬仔飽算脆同埋熱辣, 但問題係...唔好味囉!

個蕃茄通粉,個湯好淡, 溝得太多水, 通粉又腍, 牛腩又硬....

怪唔之冇人排隊, 同埋入面9成都係大陸遊客啦!