發表於 2010.09.09 | 觀看:170次 | 23篇回應

情況如下:
晚上天氣吾穩定,
不時行雷閃電,又落雨假如你女朋友住旺角,而你同女朋友係旺角行完街送佢番屋企,路程大約二十分中,
你地行行下途中落起狂風大雨,你地身上又冇遮,就算避雨都冇用,因為場雨有排落,女朋友又趕住番屋企,係呢刻身為男朋友你會點做??

發表於 2010.09.06 | 觀看:123次 | 18篇回應

昨天(星期六)下午陪男朋友去見工,去荃灣嘅一個工廠大廈到見
去到後男朋友入去見,,我係門外條走廊等。等啊等等啊等...等左成半個中都未出來,
當時果刻嘅感覺就係好似個老婆入左去產房生仔,個老公係到好心急甘等果種心情,
隔多陣男友終於見完出來,答案係請左佢啦!
當時知道個結果之後真從心裡笑出來,因為男友搵左成年都末搵到嘢做,而且佢搵工又奄尖,又要工作時間早收工又唔要OT又要人工ok又吾洗受人氣,又要吾洗佢抬又要吾洗佢擔嘅工(甘好嘅工邊個吾想搵?),但佢又冇學歷,所以最好吾洗佢做日日坐係屋企等個天跌錢比佢洗,
所以佢搵到嘢做我真係好開心!
希望呢位大少可以生生性性好好地番呢份工la,or 希望可以比我遇到個有上進心啲!可以照顧到我嘅男人,甘就好啦!
甘我就可以草下錢,吾洗再長崎涼尾啦!哈哈...

發表於 2010.09.01 | 觀看:173次 | 31篇回應

呢幾個月以來鋪頭生意愈來愈吾好,
差到每個月嘅生意都吾知夠吾夠比鋪租同人工?
我估呢間鋪可能捱十二月就摺得㗎啦!
到時又要搵工,我吾怕工作辛苦但最討厭去見工嘅過程!
都吾明呢個乜嘢爛鬼商場泥㗎?冇嘢行又冇人流!成日播埋啲吵到死嘅音樂,又點埋啲臭到死嘅香薰,啲廁所凍到好似殮房甘!
甚麼大自然與藝術二合為一的購物藝術館((尖沙咀K11商場)!?
真係吾方吾藝術館,個個人行呢個商場真係參觀多過買嘢!再吾係企係你鋪頭門口欣賞下你地嘅Display囉..
成日冇客仲要比人卒數,卒都冇用㗎?都冇客入泥比我sell!sell乜漆啊?對住空氣sell啊?定對住幅牆sell啊?
我覺得呢間公司所有嘅管理層都係用個patpat泥思考的..
吾好話我話啦!比我情願行海港城都吾行呢個K19商埸啊!

發表於 2010.08.17 | 觀看:172次 | 22篇回應

大我6年,就話相沖吾想我揀呢個男人,又話呢樣吾好果樣吾好
宜家拎埋人地個八字比妳拎去比人睇!
結果呢?就係妳個女我條命太硬會剋到人地,有錢都會變窮鬼甘話啊!
原來結果係我吾好,係我會累左人地,,,
甘我係咪吾應該再繼續同人地一齊...?

發表於 2010.08.16 | 觀看:64次 | 6篇回應

女仔搵結婚對象嘅話係咪真係吾可以搵啲大過自己6年或者9年嘅男仔?
兩個人係埋一齊,
咩生肖夾吾夾?
咩相沖相剋?
咩時晨八字?
我完全吾識得係咩?
究竟呢啲嘢信得過嗎?